21 лютага - Міжнародны дзень роднай мовы
Родная мова, цудоўная мова!
Ты нашыхдумак уток і аснова!
Матчындарунак ад самайкалыскі,
ты самацветаўяскраваянізка.
У. Дубоўка
Штогод 21 лютага ва ўсім свеце адзначаецца Міжнародны дзень роднай мовы.
Гэтае свята, абвешчанае 17 лістапада 1999 года на 30-й сесіі ЮНЕСКА, накіравана на заахвочванне моўнай разнастайнасці і шматмоўнай адукацыі, падтрымку нацыянальных моў і культур, захаванне нацыянальнай адметнасці і самабытнасці, забеспячэнне права кожнага чалавека карыстацца роднай мовай і спрыяе ўсведамленню моўных і культурных традыцый, якія грунтуюцца на ўзаемаразуменні, цярпімасці і дыялогу.
Лютаўская дата была абрана як даніна памяці падзеям 1952 года, калі ў сталіцы Бангладэш ад куль паліцэйскіх загінулі студэнты – удзельнікі дэманстрацыі ў абарону роднай мовы. Студэнты патрабавалі прызнаць мову бенгалі адной з дзяржаўных моў краіны.
У лютым 2000 года Генеральная асамблея Арганізацыі Аб’яднаных Нацый, падкрэсліўшы важнасць культурнай і моўнай разнастайнасці, падтрымала рашэнне ЮНЕСКА аб абвяшчэнні Міжнароднага дня роднай мовы і заклікала ўсе дзяржавы спрыяць абароне і захаванню моў народаў свету.
Моўная разнастайнасць – велізарны здабытак спадчыны і непаўторны вынік творчасці чалавека. Мова забяспечвае непарыўную сувязь паміж носьбітамі, паміж мінулым, сапраўдным і будучыняй.
На сённяшні дзень у свеце налічваецца каля 6 тысяч моў, але, па данных ЮНЕСКА, ў бліжэйшы час 43 % з іх можа знікнуць, страціўшы апошніх носьбітаў. Паводле праведзеных даследаванняў кожныя два тыдні знікае адна мова, забіраючы з сабой непаўторную культурную спадчыну.
Рэспубліка Беларусь – поліэтнічная дзяржава. У нашай краіне пражываюць больш за 140 народнасцей, і ў любога іх прадстаўніка ёсць магчымасць карыстацца роднай мовай. Больш таго, дзяржава стварае ўмовы для навучання ў краіне на розных нацыянальных мовах.
Для большасці жыхароў Рэспублікі Беларусь роднай з’яўляецца беларуская мова. Таму ў краіне праводзіцца паслядоўная палітыка па яе падтрымцы і развіцці.
План
правядзення тыдня беларускай мовы і літаратуры
|
№ п/п |
Назва мерапрыемства |
Клас |
Дата правядзення |
|
1. |
Правядзенне акцыі “Размаўляй са мной па-беларуску” |
1-9 |
19.02.2024 –22.02.2024 |
|
2. |
Гульня-віктарына “Я люблю Беларусь!” |
5-6 |
19.02.2024 |
|
3. |
Інтэрактыўная гульня “Знаўцы роднай мовы” |
7-8 |
20.02.2024 |
|
4. |
Урачыстая лінейка, прысвечаная Міжнароднаму дню роднай мовы |
5-9 |
21.02.2024 |
|
5. |
Рэспубліканскі конкурс “Буслік-2024” |
5-9 |
22.02.2024 |
|
6. |
Інтэлектуальная гульня “Адкуль пайшлі назвы нашых гарадоў?” |
9 |
22.02.2024 |
